← Alle emne
Deling med familien
Legg til ein kontaktperson
Gjer til dømes ein besteforelder, ein nabo eller ein pårørande til kontaktperson, så dei får meldingar og samtalar når produktet vert skanna.
Ein kontaktperson er ein ekstra vaksen som får melding og samtale dersom nokon finn produktet, til dømes bestemor, ein nabo eller ein pårørande til ein senior. Ein kontaktperson kan ikkje endre noko på produktet.
Slik gjer du
- Opne produktet, og trykk på tannhjulet (Innstillingar).
- Finn Personar, og trykk Legg til ein person.
- Skriv inn namnet på personen, til dømes Bestemor.
- Vel rolla Kontaktperson.
- Trykk Del lenkje eller QR-kode, og send lenkja med Del vidare, Kopier lenke eller Vis QR-kode. Du kan òg skrive inn ein e-post og trykkje Send invitasjonen på e-post.
- Kontaktpersonen opnar lenkja på sin eigen telefon og trykkjer Ta imot. Inntil då får personen ingenting.
Kontaktpersonen si eiga side
Når kontaktpersonen har teke imot, ligg produktet under Delt med meg på framsida. Eit trykk på Opne viser ei enkel side med den siste skanninga.
- Øvst står Du har tilgang til og namnet på produktet.
- Sist skanna viser tidspunktet, og Vis på kart opnar posisjonen. Er posisjonen berre eit overslag, står det Omtrentleg posisjon.
- Er det ein samtale i gang akkurat no, kan kontaktpersonen trykkje Bli med i samtalen.
- Vil ikkje kontaktpersonen lenger ha meldingar, trykkjer vedkomande Slutt å få varsel og deretter Ja, slutt.
Greitt å vite
- Ein kontaktperson får melding og samtale, men ser ikkje historikk og meldingar og kan ikkje endre namn, notat eller pause. Skal personen kunne det, vel du Medforelder.
- Du kan byte rolle når som helst med Byt rolle under personen i lista.
- Det kan høgst vere 5 personar i tillegg til deg på eit produkt.
- På eit gjenbruksarmband heiter det Fleire kontaktpersonar inntil deling er opna for deg. Der kan du leggje til opptil to personar med namn og e-post.
Fann du ikkje svaret?
Skriv til oss