← Alle onderwerpe
Deel met jou gesin
Deel al die kind se produkte op een slag
Deel polsbande, etikette en ander produkte met dieselfde naam in een skakel, sodat die ander ouer dadelik al die kind se goed kry.
Het die kind polsbande, etikette en ander goed met dieselfde naam, hoef jy nie elke produk apart te deel nie. Een skakel kan hulle almal dek.
So doen jy dit
- Maak een van die kind se produkte oop en tik op die ratjie (Instellings).
- Vind Mense en tik Voeg iemand by.
- Tik die persoon se naam in en kies 'n rol (Medeouer of Kontakpersoon).
- Onder Deel ook hierdie produkte met dieselfde naam staan jou ander aktiewe produkte met presies dieselfde naam. Hulle is almal vooraf gekies. Verwyder die regmerkie by dié wat nie moet saamgaan nie.
- Tik Deel 'n skakel of QR-kode, en stuur die skakel met Deel, Kopieer skakel of Wys QR-kode.
- Wanneer die ander persoon Aanvaar tik, kry hulle op een slag toegang tot al die gekose produkte. Onder Dit gaan oor: kan hulle sien vir watter produkte die skakel geld.
Die lys is op die naam gebou. Staan daar Emma op die polsband en Emma op die etiket, kom albei saam. Staan daar Emma B. op die een, kom dit nie saam nie. Korrigeer eers die naam as iets ontbreek.
Goed om te weet
- Die lys word net gewys wanneer jy ander aktiewe produkte met dieselfde naam het.
- Die keuse geld net vir 'n skakel en QR-kode. 'n Uitnodiging per e-pos geld net vir die produk waarop jy staan.
- Die rol is dieselfde op al die produkte in die skakel. Jy kan daarna die rol op elke produk apart verander met Verander rol.
- Koop jy later 'n nuwe produk vir die kind, moet dit apart gedeel word.
Nie die antwoord gevind nie?
Skryf aan ons